FIBARO

INTELIGYNTNY SYSTEM DO SZTELOWANIO CHAŁUPOM

Gryfne Łosiedle mo pierońsko inteligyntny system Fibaro, bestoż mogesz se sztelować temperaturom z kożdej izby. Ainc mig mogesz se złonaczyć plan i na dicht wycylować jako tymperatura mo być na kożdy dziyń tydnia, przi roztomańtej pogodzie, po jasnoku, cimoku i tyż łodpowiednio do tego, jak praje kiery je w chałupie abo ni. Mogesz se z drugigo końcaświata ta tymperatura sztelować, abo załączyć hajcowani.

Z FIBARO mosz cało chałupa na oku i to je ganc egal kaj żes je.

Ze FIBARO nie doś, że mocie laga, to jeszcze idzie jeszcze uszporować sztromu i myni trza bydzie wyciongać z portmola.

SZPORUJESZ, BO:

RZONDŹ SE CHAŁUPOM DZIYNKI GRYFNEJ APLIKACJI FIBARO

DZIYNKI FIBARO MOSZ ZAWSZE CHAŁUPA WELE SIA.

FIBARO narychtowało aplikacjo na mobilnioki, kere majom system iOS i Android. Bestoż ni musicie mieć żodnych pilotów (ani innych roztomańtych ferbedinongow), żeby se sztelować urzondzyniami, yno mogesz to robić z mobilnioka czyś je doma czy ni.

SYSTEM SWIPE

Dziynki FIBARO Swipe mogecie sztelować inteligyntnom chałupom rynkami. To wyglondo choby tako romka na zdjyncia, yno bardzij designersko, ale po prowdzie je to taki pierońsko szprytny dinks, przi kerym je laba bo czyto twoi ruchy. Dlo przikładu: po leku zafachlujesz rynkom i sztartujesz hajcong abo na łopak – przestowo grzoć.

TO IDZIE PO LEKU SKAPOWAĆ! DŹWIGNIJ RYNKA,
MACHNIJ NA DOŁ, A BYRNY ZGASNOM. DŹWIGNIJ RYNKA,
A TASIYMKI LED BYDOM BLYSZCZEĆ NA ORDEKA.
MACHNIJ W PRAWO JAK BYDZIESZ CHCIOŁ WYŁONCZYĆ
TV I INNE KLAMOTY. CO BYŚ CHCIOŁ TEROZKI ZŁONACZYĆ?

SWIPE TO:

Tyn systym umożliwio wom włonczani scyn abo bele jakich klamotow w chałupie. Kożdy ruch rynki mo przypisane jakiś działani. A ta tamka se ustawiosz kaj chcesz.

A jak ni mosz chynci, żeby ci ta romka stoła na widoku, to se jom mogesz schować kajś pod blatym w kuchni abo byle jakim biurkiym. To je taki magiczny dings, że nawet jak bydzie on skukany w jakim byfyju a machniesz rynkom, to to styknie, żeby zaonaczył radyjok abo kromlojter!

SWIPE bydzie rychtyk fajnie wyglondoł w kożdej izbie. Mogecie se go roztomańcie szafnyć – abo w kuchni abo w salonie, to je richitik egal.

Technologio, kiero mo SWIPE to je rychtyk szpica światowo i mo gładko, nowoczesno obudowa. Godajom, że kożdy się niom zachwyco, bo je wysztryndzono z kożdej strony.

SWIPE zasilisz se przez bateryjo abo bez kabel, jako chcesz.

FIBARO MOGESZ SE ROZBUDOWAĆ

Jak się wprowadzosz do chałupy to nie musisz zaroz planować jako dokładnie FIBARO mo działać. Szpece łod tego systemu wymyślili to tak, że se możesz nieskorzi doszlusować moduły i bydzie to „deptać. Nie trza bydzie nic bulić ani przerobiać we ścianach. Mogesz sztelować kożdym sprzyntym choby i z drugigo krańca świata – yno musisz mieć mobilniok, abo komputer.

FIBARO mo takie cyntralki, kere wysyłajom sygnały bez żodnych przewodów do kerego sprzyntu chcesz, beztoż nie musisz się sztresować ani zawracać tym łepy. Cołko familijo je zadowolono i bezpieczno.